Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಡಿ.25-26:ಮೀಯಪದವು ಶ್ರೀ ಅಯ್ಯಪ್ಪ ಸೇವಾ ಸಂಘ (ರಿ.)ದ ಮುತಾಲಿಕೆಡ್ 44 ನೇ ವರ್ಷದ ಅಯ್ಯಪ್ಪ ದೀಪೋಚ್ಚಯ

ಮೀಯಪದವು ಶ್ರೀ ಅಯ್ಯಪ್ಪ ಸೇವಾ ಸಂಘ (ರಿ.)ದ ಮುತಾಲಿಕೆಡ್ 44 ನೇ ವರ್ಷದ ಅಯ್ಯಪ್ಪ ದೀಪೋಚ್ಚಯ ಡಿ.25 ರ್ದ್ 26 ಮುಟ್ಟ ಮೀಯಪದವು ಶ್ರೀ ಅಯ್ಯಪ್ಪ ಭಜನಾ ಮಂದಿರದ ಚಾವಡಿಡ್ ನಡಪರೆ ಉಂಡು.

ಅಂಚನೆ ಡಿ.25 ಐತಾರದಾನಿ ಭಜನೆ ಸೇವೆ, ಗಣಹೋಮ, ಸಾಮೂಹಿಕ ಸತ್ಯನಾರಾಯಣ ಪೂಜೆ, ಶನೀಶ್ವರ ಪೂಜೆ, ಮಹಾಪೂಜೆದ ಪ್ರಸಾದ ಕೊರಿಯೆರೆ ಬೊಕ್ಕ ಅನ್ನಸಂತರ್ಪಣೆ ನಡಪುಂಡು.
ಡಿ. 26 ಸೋಮಾರದಾನಿ ಗಣಹೋಮ, ಮಹಾಪೂಜೆ, ಅನ್ನಸಂತರ್ಪಣೆ, ತಾಲಪ್ಪೋಲಿ ಎಳುನೆಳ್ಚತ್( ಚಿಗುರುಪಾದೆ ಶ್ರೀ ಮಹಾಲಿಂಗೇಶ್ವರ ದೇವಲ್ಯರ್ದ್ ಮೆರವಣಿಗೆ) ಬೊಕ್ಕ ದೀಪಾರಾಧನೆ ತಾಯಂಬಕ ಬೊಕ್ಕ ಅಗ್ನಿಸೇವೆ, ಪೂಜೆ, ಅಗ್ನಿ ಪ್ರವೇಶ, ಪ್ರಸಾದ ಕೊರಿಯೆರೆ ಬೊಕ್ಕ ಮಂಜೇಶ್ವರ ಶಾರದಾ ಆರ್ಟ್ಸ್ ಕೂಟದ ಐಸಿರಿ ಕಲಾವಿದೆರೆರ್ದ್ ಮಾತೆರ್ಲೆಕ ಅತ್ತ್ ತುಳು ಹಾಸ್ಯಮಯ ನಾಟಕ ನಡಪರೆ ಉಂಡು ಪಂದ್ ಪಳ್ಳತ್ತಡ್ಕ ಗೌರವಾಧ್ಯಕ್ಷೆರ್ ಪಿ. ಚಂದ್ರಶೇಖರ ಶೆಟ್ಟಿ, ಮೀಯಪದವು ಅಧ್ಯಕ್ಷೆರ್ ಶ್ರೀಧರರಾವ್ ಆರ್.ಎಂ, ಮುನ್ನಿಪ್ಪಾಡಿ ಕಾರ್ಯಧ್ಯೆಕ್ಷೆರ್ ದಿವಾಕರ ರೈ, ಕಾರ್ಯದರ್ಶಿ ಶ್ರೀನಿವಾಸ್ ಪಂಚಮಿ, ಬಾನಬೆಟ್ಟು ಕೋಶಾಧಿಕಾರಿ ಬಿ. ಸುಬ್ಬಣ್ಣ ಆಳ್ವ, ಗುರುಸ್ವಾಮಿ ರಂಜಿತ್ ಕುಮಾರ್ ಕೆ., ದರ್ಬೆ ನಡುಮನೆ ಅಧ್ಯಕ್ಷೆರ್ ಮೋಹನ್ ದಾಸ್ ಶೆಟ್ಟಿ, ಕಾರ್ಯದರ್ಶಿ ಗಿರೀಶ್ ಬಾನಬೆಟ್ಟು, ಮುನ್ನಿಪ್ಪಾಡಿ, ಕೋಶಾಧಿಕಾರಿ ಬೊಕ್ಕ ಸರ್ವ ಸಮಿತಿದ ಸದಸ್ಯೆರ್ ಸದಾನಂದ ಬೇರಿಕೆ ಲೆಪ್ಪೋಲೆಡ್ ತೆರಿಪಾದೆರ್.

ಡಿ.11: ಕುಂಬಳೆದ ನಾಟ್ಯ ವಿದ್ಯಾ ನಿಲಯ(ರಿ.) ಸಂಸ್ಥೆದ ಸುರುತ್ತ ಭರತನಾಟ್ಯ ತರಬೇತಿ ಉದಿಪನ

ಕುಂಬಳೆದ ನಾಟ್ಯ ವಿದ್ಯಾ ನಿಲಯ (ರಿ.) ಸಂಸ್ಥೆದ ವಿದುಷಿ ಡಾ. ವಿದ್ಯಾಲಕ್ಷ್ಮಿ ಕೆ ಮೇರೆರ್ದ್ ಕುಳೂರುಡು ಸುರುತ್ತ ಸರ್ತಿ ಭರತ ನಾಟ್ಯ ತರಬೇತಿ ಡಿ.11 ಕ್ಕ್ ಉದಿಪನ ಆಯರೆ ಉಂಡು.

ಈ ಲೇಸ್ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆ ಕುಳೂರುಡು ಮಧ್ಯಾಹ್ನ 2 ಗಂಟೆಗ್ ನಡಪರೆ ಉಂಡು. ಹೇರಂಬ ಇಂಡಸ್ಟ್ರೀಸ್ ಬೊಂಬಾಯಿದ ಅಧ್ಯಕ್ಷೆರ್ ಸದಾಶಿವ ಶೆಟ್ಟಿ ಮೇರ್ ಈ ಲೇಸ್‌ನ್ ಉದಿಪನ ಮಲ್ಪರೆ ಉಲ್ಲೆರ್.

ಇರಾನ್‌ಡ್ ಪೊಂಜೋವುಲು ಸೇರ್ದ್ 500 ದೆರ್ದ್ ಎಚ್ಚದ ಜನಕ್ಲೆಗ್ ಪಾಸಿದ ಸಿಕ್ಸೆ

ಮಾನವ ಹಕ್ಕು ಸಮಿತಿ ಈ ಸರ್ತಿ ಇರಾನ್‌ಡ್ ಎಚ್ಚದ ಪೊಂಜೊವುಲು ಸೇರ್ದ್ 504 ಜನಕ್ಲೆಗ್ ಪಾಸಿದ ಸಿಕ್ಷೆ ಕೊರಿಯರೆ ಉಂಡು.

ಸೆಪ್ಟೆಂಬರ್‌ಡ್ ಇರಾನ್‌ಡ್ ನಡತಿನ ಆಡಳಿತ-ವಿರೋಧಿ ಪ್ರತಿಭಟನೆಡ್ ಪಾಲ್ ಪಡೆಯಿನ ಜನಕ್ಲೆನ ವಿರುದ್ಧ ಅಧಿಕಾರಿಲು ಗಲ್ಲು ಶಿಕ್ಷೆದ ಅಸ್ರ್ತನ್ ಬಳಸೊಂದು ಉಲ್ಲೆರ್. ಇಂಚಾದ್ ಅಂತಾರಾಷ್ಟ್ರೀಯ ಮಾನವ ಹಕ್ಕು ಸಮಿತಿ ಪಾಸಿ ಶಿಕ್ಷೆ ಕೊರಿಯರೆ ಉಂಡು.

ಮುಲ್ಕಿ-ಬೆದ್ರ ಕ್ಷೇತ್ರದ ಶಾಸಕೆರ್ ಉಮಾನಾಥ್ ಕೋಟ್ಯಾನ್ ಭೇಟಿ ಮಲ್ತಿನ ಗ್ರಾಮ ಪಂಚಾಯಿತಿ ನೌಕರೆರ್

ಬೆದ್ರ: ಮುಲ್ಕಿ-ಬೆದ್ರ ಕ್ಷೇತ್ರದ ಶಾಸಕೆರ್ ಉಮಾನಾಥ್ ಕೋಟ್ಯಾನ್ ಮೆರೆನ್ ಬೆದ್ರ ತಾಲೂಕ್ ಸೌಧಡ್ ಡಿ.6 ಕ್ ಭೇಟಿ ಮಲ್ತ್ ದ್ ಗ್ರಾಮ ಪಂಚಾಯಿತಿ ನೌಕರೆರೆನ ರಾಜ್ಯಮಟ್ಟದ ಪೊರಂಬಾಟಗ್ ಬೆಂಬಲ ಕೊರೊಡು ಬೊಕ್ಕ ಅಧಿವೇಶನದ ಪೊರ್ತುಡು ನೌಕರೆರೆನ ಸಮಸ್ಯೆದ ಬಗೆಟ್ ಪ್ರಶ್ನೆ ಮಲ್ಪೊಡು ಪಂದ್ ಪಂಡೆರ್.

ಈ ಪೊರ್ತುಡು ಕರ್ನಾಟಕ ರಾಜ್ಯ ಗ್ರಾಮ ಪಂಚಾಯತ್ ನೌಕರೆರೆನ ಶ್ರೇಯೋಭಿವೃದ್ಧಿ ಸಂಘ ಆರ್. ಡಿ. ಪಿ. ಆರ್ ದ ಜಿಲ್ಲಾ ಕಾರ್ಯದರ್ಶಿ ಯಶೋಧರ್, ಜಿಲ್ಲಾ ಪೊರ್ಂಬಾಟ ಸಮಿತಿದ ಕಾರ್ಯದರ್ಶಿ ಪ್ರದೀಪ್, ಬೆದ್ರ ತಾಲೂಕ್ ದ ಪೊರ್ಂಬಾಟ ಸಮಿತಿದ ಅಧ್ಯಕ್ಷೆರ್ ಗಣೇಶ್, ಮಹಿಳಾ ಸಮಿತಿದ ಅಧ್ಯಕ್ಷೆರ್ ಪ್ರಿಯಾ ಪಿಂಟೊ, ತಾಲೂಕ್ ಕಾರ್ಯದರ್ಶಿ ರಾಜು, ಪದಾಧಿಕಾರಿಲಾಯಿನ ಯೋಗೀಶ್, ಯತೀಶ್, ದಿವ್ಯ, ಗೀತಾ, ಮಮತಾ ಇತ್ತೆರ್.

ಬೆದ್ರದ ಶಾಸಕೆರ್ನ ಕಚೇರಿಡ್ ಇನಿ ಜನ ಸಂಪರ್ಕ ಸಭೆ

ಬೆದ್ರ: ಇನಿ ಬೆದ್ರ (ಸೇವಕ )ಶಾಸಕೆರೆನ ಕಚೇರಿಡ್ ಜನ ಸಂಪರ್ಕ ಸಭೆ ನಡತ್ಂಡ್.

ಈ ಪೊರ್ತುಡು ಮುಲ್ಕಿ ಬೆದ್ರ ಕ್ಷೇತ್ರದ ಶಾಸಕೆರಾಯಿನ ಉಮಾನಾಥ್ ಕೋಟ್ಯಾನ್ ಮೇರ್ ಸಾರ್ವಜನಿಕೆರೆನ ಕುಂದು ಕೊರತೆನ್ ಬೊಕ್ಕ ಕೇನ್ದ್ ಜಾಗೆಡೇ ಆಯಿನಾತ್ ಬೇಗ ಅಯಿಕ್ಕ್ ಪರಿಹಾರ ಮಲ್ತ್ ದ್ ಕೊರೊಡು ಪಂದ್ ಅಧಿಕಾರಿಲೆಗ್ ಆದೇಶ ಮಲ್ತೆರ್. ಲೇಸ್ ಡ್ ಅಧಿಕಾರಿಲು ಇತ್ತೆರ್.
✍️ಜಗದೀಶ್ ಪೂಜಾರಿ
ಬೆದ್ರ

ಸುರತ್ಕಲ್: ಇಲ್ಲದ ಎದುರು ಗೊಬ್ಬೊಂದು ಇತ್ತಿನ ಬಾಲೆನ್ ಕಂಡರೆ ತೂಯಿನ ಕಲ್ವೆ?

ಸುರತ್ಕಲ್: ಸುರತ್ಕಲ್ ಪೇಂಟೆರ್ದ್ ಪಿದಯಿ ಚೊಕ್ಕಬೆಟ್ಟು ಪನ್ಪುನಲ್ಪ ಇಲ್ಲದ ಎದುರು ಉಂತುದು ಇತ್ತಿನ ಬಾಲೆನ್ ಗುರ್ತ ಇಜ್ಜಂದಿನ ವ್ಯಕ್ತಿಯೊರಿ ಕಂಡೆರೆ ತೂಯಿನ ಘಟನೆ ಡಿ.5 ರಾತ್ರೆ ನಡತ್ಂಡ್.


ಈ ದೃಶ್ಯದ ವೀಡಿಯೋ ಸಿಸಿ ಕ್ಯಾಮರಾಡ್ ದಾಖಲ್ ಆತ್ಂಡ್. ಈ ಬಗೆಟ್ ಜಾಗೆಗ್ ಸುರತ್ಕಲ್ ಪೊಲೀಸೆರ್ ಭೇಟಿ ಕೊರ್ದು ಪರಿಶೀಲನೆ ನಡಪಾದೆರ್.

ಡಿ. 8 : ಮುಲ್ಕಿ ಒಳಲಂಕೆ ಶ್ರೀ ವೆಂಕಟರಮಣ ದೇವಲ್ಯಡ್ ಪ್ರತಿಷ್ಠಾ ಪುಣ್ಣಮೆ

ಮೂಲ್ಕಿ: ಒಳಲಂಕೆ ಶ್ರೀ ವೆಂಕಟರಮಣ ದೇವಲ್ಯಡ್ ಪ್ರತಿಷ್ಠಾ ಪುಣ್ಣಮೆ ಉಚ್ಚಯ ಡಿ.8 ತಾರೀಕ್ ಗುರುವಾರ ಶ್ರೀ ಕಾಶೀ ಮಠಾಧೀಶೆರ್ ಶ್ರೀಮದ್ ಸಂಯಮೀಂದ್ರತೀರ್ಥ ಸ್ವಾಮೀಜಿ ಮೆರೆನ ಉಪಸ್ಥಿತಿಟ್ಟ್ ನಡಪರೆ ಉಂಡು.

ಡಿ.7 ಕ್ಕ್ ಬರ್ಪಿನ ಸ್ವಾಮೀಜಿ ಡಿ. 9 ಮುಟ್ಟ ಕ್ಷೇತ್ರಡ್ ವಾಸ ಉಪ್ಪುವೆರ್. ಡಿ.8 ಗ್ ಕಾಂಡೆ ಮೂಲ್ಕಿ ಪೇಂಟೆದ ಭಕ್ತೆರೆರ್ದ್ ನಗರ ಕಾಣಿಕೆ ಸಮರ್ಪಣೆ ಆಯಿಬೊಕ್ಕ ಪ್ರಾರ್ಥನೆದೊಟ್ಟುಗು ಸ್ವಾಮೀಜಿಡ್ದ್ ಬೇತೆ ಬೇತೆ ರೀತಿದ ದ್ರವ್ಯ ಅಂಚನೆ ಸೀಯಾಳ ಅಭಿಷೇಕ ನಡಪರೆ ಉಂಡು.

ಬಯ್ಯಗ್ ಗಂಗಾ ಭಾಗೀರಥಿ ಅಭಿಷೇಕ ಬೊಕ್ಕ ಕನಕಾಭಿಷೇಕ, ಮಹಾ ನೈವೇದ್ಯ ನಡತ್ ದ್ ಬಯ್ಯ 7 ಗಂಟೆಗ್ ಮಹಾ ಭೂರಿ ಸಮಾರಾಧನೆ, ರಾತ್ರೆ 11.30 ಗ್ ಮಹಾ ರಥೋಚ್ಚಯ, ಚಂದ್ರ ಮಂಡಲೋಚ್ಚಯ ಅಂಚನೆ ದೇವ ದರ್ಶನಡ್ ಆಭಯ ಪ್ರಸಾದ ಕೊರ್ಪಿನ ಲೇಸ್ ನಡಪರೆ ಉಂಡು. ಅಂಚೆನೆ ಡಿ.9 – 11 ಮುಟ್ಟ ದೇವದರ್ಶನ ಸೇವೆ ಇಪ್ಪುಜಿ ಪಂದ್ ಪ್ರಕಟನೆ ತೆರಿಪಾದ್ಂಡ್.

ಕಂಬುಲ ಕ್ಷೇತ್ರದ ಸಾಧಕೆ ಶ್ರೀಧರ್ ಕುಲಾಲ್ ಮೆರೆಗ್ ಕ್ರೀಡಾರತ್ನ ಪ್ರಶಸ್ತಿ

ಬೊಲ್ತೇರ್: ಕರ್ನಾಟಕ ಸರ್ಕಾರ ಕೊರ್ಪುನಂಚಿನ 2022 ನೇ ಇಸ್ವಿದ ಕ್ರೀಡಾ ರತ್ನ ಪ್ರಶಸ್ತಿಗ್ ಬೊಲ್ತೇರ್ ತಾಲೂಕ್‌ದ ಮರೋಡಿ ಗ್ರಾಮದ ಶ್ರೀಧರ್ ಕುಲಾಲ್ ಆಯ್ಕೆಯಾತೆರ್.

ಕಂಬುಲ ಕ್ಷೇತ್ರಡ್ ಮಲ್ಲ ಸಾಧನೆ ಮಲ್ತ್‌ದಿತ್ತ್‌ದ್ ಎಡ್ಡೆ ರೀತಿದ ಕ್ರೀಡಾಪಟುವಾದ್ ಮಿಂಚಿದೆರ್. ಮೆರೆನ ಸಾಧನೆನ್ ಗುರ್ತಿಸಾದ್ ರಾಜ್ಯ ಸರ್ಕಾರ ಕ್ರೀಡಾ ರತ್ನ ಪ್ರಶಸ್ತಿಗ್ ಆಯ್ಕೆ ಮಲ್ತ್‌ದ್ಂಡ್.

ದತ್ತ ಜಯಂತಿ ಉಚ್ಚಯಗ್ ಅಡ್ಡಿ ಮಲ್ಪರೆ ಬೋಡಾದ್ ಮಾರ್ಗಡ್ ಆಣಿ ದಕ್ ದಿನ ಬಚ್ಚಾಲಿಲು

ಚಿಕ್ಕಮಗಳೂರು: ಕಾಫಿನಾಡ್‌ಡ್ ದತ್ತ ಜಯಂತಿ ಉಚ್ಚಯಗ್ ಅಡ್ಡಿ ಮಲ್ಪರೆ ಬೋಡಾದ್ ಮಾರ್ಗಡ್ ಆಣಿಲೆನ್ ದಕ್ ದೆರ್.


ಇನಿರ್ದ್ ದತ್ತ ಜಯಂತಿಗ್ ಚಾಲನೆ ಕೊರ್ತಿನ ನಿಲೆಟ್ಟ್ ಸುರುತ್ತ ದಿನ ಆಯಿನ ಇನಿ ಶ್ರೀ ಅನುಸೂಯ ಜಯಂತಿ ನಡತೊಂದು ಇತ್ತ್ಂಡ್. ಈ ಬಗೆಟ್ಟ್ ದತ್ತಪೀಠಗ್ ಪೋದು ಅನುಸೂಯ ದೇವಿನ ದರ್ಶನನ್ ಪೊಂಜೋವುಲು ಪಡೆಯರೆ ತಯಾರ್ ಆದಿತ್ತೆರ್. ಈ ಪೊರ್ತುಡು ಚಿಕ್ಕಮಗಳೂರು ತಾಲೂಕ್‌ದ ದತ್ತಪೀಠ ಮಾರ್ಗಡು ಇಪ್ಪುನ ಕೈಮಾರ ಚೆಕ್ ಪೋಸ್ಟ್‌ರ್ದ್ ದತ್ತಪೀಠದ ಮಾರ್ಗದ ಉದ್ದಗ್‌ಲ ಬಚ್ಚಾಲಿಲು ಆಣಿನ್ ದಕ್ಚದ್ ದತ್ತ ಪೂಜೆ ಅಡ್ಡಿ ಮಲ್ಪರೆ ಯೋಜನೆ ಪಾಡ್ದಿತ್ತೆರ್.

ಡಿ.10: ಕಲ್ಮಡ್ಕ ಮಾನಸ ನಿಲಯ ಮಾಳಪ್ಪಮಕ್ಕಿ ಶ್ರೀ ಕೊರಗ ತನಿಯಜ್ಜ ದೈವದ ನೇಮೋಚ್ಚಯ

ಸುಳ್ಯ ತಾಲೂಕು ಕಲ್ಮಡ್ಕ ಮಾನಸ ನಿಲಯ ಮಾಳಪ್ಪಮಕ್ಕಿ ಇಲ್ಲಲ್ ಶ್ರೀ ಕೊರಗ ತನಿಯಜ್ಜ ದೈವದ ನೇಮೋಚ್ಚಯ ಡಿ.10 ಶನಿಯಾರ ರಾತ್ರೆ 8 ಗಂಟೆಗ್ ನಡಪರೆ ಉಂಡು.


ಈ ಲೇಸ್ ಗ್ ಮಾತ ಭಕ್ತೆರ್ ಬತ್ ದ್ ಶ್ರೀ ದೈವದ ಕರಿಗಂಧ ಪ್ರಸಾದ ದೆತೊಂದು ದೈವದ ಕೃಪೆಗ್ ಪಾತ್ರರಾವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

You Missed