ಟೈಮ್ಸ್ ಆಫ್ ಕುಡ್ಲ | Times of Kudla | Kudla Tulu Patrike

Sun. Nov 15th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

12 Cheetahs to come over to India from South Africa ದ.ಆಫ್ರಿಕಾರ್ದ್ ಲ ಬರಿಯರೆ ಉಂಡು 12 ಚಿರತೆ

ದಿಲ್ಲಿ: ಕರಿನ ವರ್ಷ ನಮೀಬಿಯಾರ್ದ್ ಕನಯಿನ ಚಿರತೆ ಮಧ್ಯ ಪ್ರದೇಶದ ಕುನೊ ರಾಷ್ಟ್ರೀಯ ಉದ್ಯಾನವನಟ್ಟ್ ಉಂಡು. ಅಂಚನೆ ಈ ಸರ್ತಿ ದಕ್ಷಿಣ ಆಫ್ರಿಕಾರ್ದ್ 12 ಚೀರತೆಲೆನ್ ಕನಯರೆ ಭಾರತ ಸರ್ಕಾರ ಒಪ್ಪಂದ ಮಲ್ತ್‌ದ್ಂಡ್.

ಫೆ.12 ತ್ತ ಉಲಯಿಡ್ 7 ಆಣ್ ಚೀತಾ ಬೊಕ್ಕ 5 ಪೊಣ್ಣ್ ಚೀತಾಲೆನ್ ಮಧ್ಯಪ್ರದೇಶದ ಕುನೊ ರಾಷ್ಟ್ರೀಯ ಉದ್ಯಾನಗ್ ಕನಯರೆ ಉಂಡು ಪಂದ್ ಕೇಂದ್ರ ಪರಿಸರ ಸಚಿವಾಲಯದ ಅಧಿಕಾರಿಲು ತೆರಿಪಾದೆರ್.

12 Cheetahs to come over to India from South Africa

Delhi Last year we had got Cheetahs from Namibia which have been set free at Kuno wildlife sanctuary in Madhya Pradesh.

Now the government has signed an agreement to get 12 Cheetahs from South Africa to be set free at Kuno wildlife sanctuary.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

LPG cooking gas cylinder price increased by rupees 153 in the past one year 1 ವರ್ಷಡ್ ಎಲ್‌ಪಿಜಿ ಸಿಲಿಂಡರ್‌ದ ಬಿಲೆ 153 ರೂ. ಎಚ್ಚ

ಫೆ.1 ಕ್ಕ್ ಕೇಂದ್ರ ಬಜೆಟ್ ಮಂಡನೆ ಆಯರೆ ಉಂಡು. ಪ್ರತಿಯೊಂಜಿ ವರ್ಗದ ಜನಕುಲು ಎಚ್ಚದ ನಿರೀಕ್ಷೆ ದೀವೊಂದುಲ್ಲೆರ್. ಏಪಲ ಗಲಸುನ ಸೊತ್ತುಲು ಆಯಿನ ಎಲ್‌ಪಿಜಿ, ಪೆಟ್ರೋಲ್, ಡೀಸೆಲ್‌ದ ಬಿಲೆ ಕಮ್ಮಿ ಆವೊಡು ಪಂದ್ ದೇಶದ ಜನಕುಲು ಸ್ವರ ಲಕ್ಕಾವೊಂದುಲ್ಲೆರ್.

ಕರಿನ 1 ವರ್ಷಡ್ ಸಿಲಿಂಡರ್‌ದ ಬಿಲೆ 153.5 ರೂ. ಎಚ್ಚ ಆತ್ಂಡ್. 2022 ತ್ತ ಮಾರ್ಚ್‌ಡ್ 50 ರೂ, ಮೇ ತಿಂಗೊಲ್‌ಡ್ 50 ರೂ. ಬೊಕ್ಕ ಮೇ ತಿಂಗೊಲ್‌ದ ಕಡೆತ್ತ ವಾರಡ್ 3.50 ರೂ, ಜುಲೈ ನಾಲನೇ ವಾರಡ್ 50 ರೂ. ಎಚ್ಚ ಆದಿತ್ತ್ಂಡ್.

LPG cooking gas cylinder price increased by rupees 153 in the past one year

The central budget will be presented on February 1st. People are waiting in anticipation and are pressing for decrease in the price of daily necessities like petrol,disel and LPG.

It is to be noted that the price of LPG has increased by 153 rupees in the last one year.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

9394 vacancies in LIC ಎಲ್ಐಸಿಡ್ 9394 ಜನಕ್ಕ್ ಬೇಲೆ

ಎಲ್ಐಸಿಡ್ ಖಾಲಿ ಇಪ್ಪುನ 9394 ಅಪ್ರೆಂಟಿಸ್ ಡೆವಲಪ್ಮೆಂಟ್ ಆಫೀಸರ್ ಬೇಲೆಗ್ ಅರ್ಜಿ ಪಾಡೊಲಿ.‌

ಈ ಬೇಲೆಗ್ ಅರ್ಜಿ ಪಾಡಿಯೆರೆ ಸ್ನಾತಕೋತ್ತರ ಪದವಿ ಆವೊಡು, 21 ವರ್ಷರ್ದ್ 30 ವರ್ಷದ ಉಲಯಿ ಇಪ್ಪೊಡು. ಪ್ರಾಥಮಿಕ ಪರೀಕ್ಷೆ, ಮುಖ್ಯ ಪರೀಕ್ಷೆ ಬೊಕ್ಕ ಸಂದರ್ಶನದ ಮುಖೇನ ಆಯ್ಕೆ ಮಲ್ಪೆರೆ ಉಂಡು. ಅರ್ಜಿನ್ ಆನ್ ಲೈನ್ ಮುಖೇನ ಪಾಡೊಡು. ಫೆ. 10 ಅಕೇರಿದ ತಾರೀಕ್. ಮಾ.12 ಕ್ ಪೂರ್ವಭಾವಿ ಪರೀಕ್ಷೆ, ಏ.8 ಮುಖ್ಯ ಪರೀಕ್ಷೆ ನಡಪರೆ ಉಂಡು. ಎಚ್ಚದ ಮಾಹಿತಿಗಾದ್ licindia.in ವೈಬ್ ಸೈಟ್ ಗ್ ಪೋವೊಲಿ.

9394 vacancies in LIC

There are 9394 apprentice development officers posts vacant in LIC . Persons with a post graduate degree with in the age of 21-30 years are eligible to apply.
For more details log on to licindia.in

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

Badrinath temple to open on January 27th ಏ.27: ಬದರಿನಾಥ ದೇವಲ್ಯ ಓಪನ್

ಉತ್ತರಾಖಂಡದ ಚಮೋಲಿ ಜಿಲ್ಲೆಡ್ ಇಪ್ಪುನ ಬದರಿನಾಥ ದೇವಲ್ಯದ ಬಾಕಿಲ್ ನ್ ಏಪ್ರಿಲ್ 27 ಬೊಲ್ಪುಗು 7:10 ಕ್ ದೆಪ್ಪುನು ಪಂದ್ ವಸಂತ ಪಂಚಮಿದ ಲೆಕ್ಕೊಡು ಕೋಡೆ ಸಭೆ ಸೇರಿನ ಬದರಿನಾಥ ಕೇದಾರನಾಥ ದೇವಲ್ಯದ ಸಮಿತಿ ಈ ನಿರ್ಧಾರನ್ ದೆತೊಂದುಂಡು.

ಚಳಿಗಾಲಡ್ ಭಾರೀ ಹಿಮಪಾತ ಇತ್ತಿನೆರ್ದಾವರ ಬದರಿನಾಥ ದೇವಲ್ಯನ್ ನ.19 ಕ್ ಮುಚ್ಚಿದೆರ್.

Badrinath temple to open on January 27th

Uttarakhand: The Badrinath temple that was closed on November 19 th due to heavy snowfall in the region, will reopen on January 27 th at 7.10 a.m. said sources from Badrinath Kedarnath temple samithi.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

Sports Achiever Samruddhi Shetty was honoured on the occasion of the 74th Republic day 74 ನೇ ಗಣರಾಜ್ಯ ಉಚ್ಚಯಡ್ ಕ್ರೀಡಾ ಸಾಧಕಿ ಸಮೃದ್ಧಿ ಶೆಟ್ಟಿಗ್ ತಮ್ಮನ

ಬೆದ್ರ ತಾಲೂಕ್ ದ ರಾಷ್ಟ್ರೀಯ ಪರ್ಬದ ಆಚರಣೆ ಸಮಿತಿದ ವತಿರ್ದ್ ಆಡಳಿತ ಸೌಧಡ್ 74 ನೇ ಗಣರಾಜ್ಯೋತ್ಸವ ಸಂಭ್ರಮಾಚರಣೆ ನಡತ್ಂಡ್.

ಈ ಪೊರ್ತುಡು ಕ್ರೀಡಾ ಸಾಧನೆಗಾದ್ ಸಮೃದ್ಧಿ ಶೆಟ್ಟಿ ಎಕ್ಕಾರ್ ಮೆರೆಗ್ ತಮ್ಮನ ನಡತ್ಂಡ್.

Sports Achiever honoured

Sports Achiever Samruddhi Shetty was honoured on the occasion of the 74th Republic day celebration by the Moodbidri taluk national festival celebration samithi.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

Philanthropist K Sesappa Kotian no more K. Sesappa Kotian is no more ದೇವೆರೆ ಪಾದ ಸೇರಿಯೆರ್ ಮಾಮಲ್ಲ ದಾನಿ ಕೆ.ಸೇಸಪ್ಪ ಕೋಟ್ಯಾನ್ ಪಚ್ಚಿನಡ್

ಬಂಟ್ವಾಳ : ಪುಗರ್ತೆದ ಬೀಡಿ ಉದ್ಯಮಿ, ದ.ಕ.ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆದಿನ ಸಮಾಜಸೇವಕೆರ್, ಮಾಮಲ್ಲ ದಾನಿ, ಸಾರಿಗೆ ಕ್ಷೇತ್ರದ ಸಾಧಕೆರ್, ಧಾರ್ಮಿಕ ಕ್ಷೇತ್ರದ ಮುಖಂಡೆರ್ ಬಿಲ್ಲವ ಸಮಾಜದ ಹಿತಚಿಂತಕೆರ್, ಸೇಸಪ್ಪ ಕೋಟ್ಯಾನ್ ಪಚ್ಚಿನಡ್ಕ (82) ಮೇರ್ ಒಂತೆ ದಿನೊರ್ದಿಂಚಿ ಹುಷಾರ್ ದಾಂತೆ ಗುರುವಾರ ದೇವೆರೆ ಪಾದ ಸೇರಿಯೆರ್.

ಶುಭ ಲಕ್ಷ್ಮಿ ಬೀಡಿ ಉದ್ಯಮ ಸುರು ಮಲ್ತಿನ ಮೇರ್ ಏತೋ ಜನಕ್ಕ್ ಉದ್ಯೋಗ ಕೊರ್ದು ಅಕ್ಲೆನ ಕುಟುಂಬಗ್ ಆಶ್ರಯ ಕೊರ್ತಿನಾರ್. ಬಂಟ್ವಾಳ ಬಿಲ್ಲವ ಸಂಘದ ಅಧ್ಯಕ್ಷೆರಾದ್ ಸೇವೆ ಮಲ್ದಿನಾರ್. ಇಂಚೊಗು ಬೆಂಜನಪದವುಡು ಸುಸಜ್ಜಿತ ಶುಭಲಕ್ಷ್ಮಿ ಹಾಲ್ ಸ್ಥಾಪನೆ ಮಲ್ದೆರ್.

ಮೆರೆಗ್ ಬೊಡೆದಿ, ಒರಿ ಮಗೆ ಬೊಕ್ಕ ನಾಲ್ ಪೊಣ್ಣು ಜೋಕುಲು ಉಲ್ಲೆರ್. ಪಚ್ಚಿನಡ್ಕ ದ ಶುಭ ಇಲ್ಲಡ್ ಸೇಸಪ್ಪ ಕೋಟ್ಯಾನ್ ಮೆರೆನ ಮೃತದೇಹದ ಅಂತಿಮ ದರ್ಶನೊಗು ಅವಕಾಶ ಉಂಡು. ಜ.27 ಶುಕ್ರಾರ ಮಧ್ಯಾಹ್ನ 12.30 ಗಂಟೆಗ್ ಅಂತ್ಯಕ್ರಿಯೆ ನಡಪರೆ ಉಂಡು ಪಂದ್ ಕುಟುಂಬದಕುಲು ತೆರಿಪಾದೆರ್.

Philanthropist K Sesappa Kotian no more

Bantwal: Enterpreneur, district Rajyotsav awardee, social worker and philanthropist, respected senior of the Billava Samaj K Sesappa Kotian Pachinadka (82) is no more.

He is the founder of Shubalakshmi Beedies and had served as president of Bantwal Billava Sangha.Recently he had built a spacious hall Shubalakshmi hall at Benjanapadav.
His last rites will be held on Friday the 27th.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

A suspect who was absconding from the past ten years arrested ಪತ್ತ್ ವರ್ಷೋರ್ದಿಂಚ ದೆಂಗ್ ದ್ ಕುಲ್ಲುದ್ ಇತ್ತಿನ ಆರೋಪಿ ಅರೆಸ್ಟ್

ಕಡಬ: ಕೇಸ್ ಒಂಜೇಕ್ ಸಂಬಂಧ ಪಟ್ಟಿನಂಚನೆ ಕರಿನ ಪತ್ತ್ ವರ್ಷೋರ್ದಿಂಚ ದೆಂಗ್ ದ್ ಕುಲ್ಲುದು ಇತ್ತಿನ ಆರೋಪಿನ್ ಕಡಬ ಪೊಲೀಸೆರ್ ಅರೆಸ್ಟ್ ಮಲ್ದೆರ್.

ಕಡಬ ತಾಲೂಕ್ ದ ಕುಂತೂರು ಗ್ರಾಮದ ಸಾಲೆತ್ತಡ್ಕದ ರಝಿಕ್ ಅರೆಸ್ಟ್ ಆಯಿನ ಆರೋಪಿ. ಈ ಜನತ ಮಿತ್ತ್ ಪುತ್ತೂರ್ ನಗರ ಠಾಣೆ, ಉಬಾರ್, ಸುಳ್ಯ, ಕೊಣಾಜೆ ಬೊಕ್ಕ ಬಂಟ್ವಾಳ ನಗರ ಠಾಣೆಡ್ ಕೇಸ್ ದಾಖಲ್ ಆದಿತ್ತ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

” Adalitha Sowdha” at Mulky taluk to be inaugurated by six months ಆಜೇ ತಿಂಗೊಲ್ದ ಉಲಯಿ ಮುಲ್ಕಿ ತಾಲೂಕು ಆಡಳಿತ ಸೌಧ ಉದಿಪನ : ಉಮಾನಾಥ ಕೋಟ್ಯಾನ್ ಭರವಸೆ ಮುಲ್ಕಿ ತಾಲೂಕು ಗಣರಾಜ್ಯ ಉಚ್ಚಯದ ಲೇಸ್

ಮುಲ್ಕಿ : ಮುಲ್ಕಿ ಬೊಕ್ಕ ಬೆದ್ರ ಕ್ಷೇತ್ರಡ್ ಸಮಾನ ರೀತಿದ ಅಭಿವೃದ್ಧಿದ ಬೇಲೆಗ್ ರಾಜ್ಯ ಸರ್ಕಾರ ಅನುದಾನ ಕೊರ್ತುಂಡು. ರಡ್ಡರೆ ತಿಂಗೊಲ್ದ ಪಿರವುಡು ಕೆಸರ್ ಕಲ್ಲ್ ಪಾಡ್ದಿನ ಮುಲ್ಕಿ ತಾಲೂಕು ಆಡಳಿತ ಸೌಧ ದಾಖಲೆ ಅವಧಿಡ್ ಪಂಡ ಕಾಲಿ ಆಜೇ ತಿಂಗೊಲ್ದ ಉಲಯಿ ಉದಿಪನ ಆವರೆ ಉಂಡು ಪಂದ್ ಶಾಸಕೆರ್ ಉಮಾನಾಥ ಕೋಟ್ಯಾನ್ ಪಂಡೆರ್.

ಆರ್ ಕಾರ್ನಾಡ್ ಗಾಂಧಿ ಮೈದಾನಡ್ ಮುಲ್ಕಿ ತಾಲೂಕು ರಾಷ್ಟ್ರೀಯ ಹಬ್ಬಗಳ ಆಚರಣೆ ಸಮಿತಿ ಮುತಾಲಿಕೆಡ್ ಗುರುವಾರ ನಡತಿನ 74 ನೇ ವರ್ಷದ ಗಣರಾಜ್ಯ ಉಚ್ಚಯದ ಕೊಡಿ ಏರಾದ್, ಲೇಸ್ ಡ್ ಧ್ವಜ ವಂದನೆ ಸ್ವೀಕಾರ ಮಲ್ತ್ ದ್ ಪಾತೆರಿಯೆರ್.

ಮುಲ್ಕಿ ಬೆದ್ರ ವಿಧಾನಸಭಾ ಕ್ಷೇತ್ರೊಡು ಕರಿನ 5 ವರ್ಷೊರ್ದು 1825 ಕೋಟಿ ರೂ. ಅನುದಾನದ ಬೇಲೆ ಆತ್ಂಡ್. ಒಂಜಿ ವರ್ಷ 3 ತಿಂಗೊಲುದ ಅವಧಿಡ್ ಬೆದ್ರದ ಆಡಳಿತ ಸೌಧ ಉದಿಪನ ಆತ್ಂಡ್. ಅಂಚೆನೆ ಮುಲ್ಕಿದ ಗೇರುಕಟ್ಟೆಡ್ ಲ ಸರ್ಕಾರದ ಮಾತ ಕಚೇರಿಲ ಒಂಜೇ ಕಟ್ವಾಣೊಗು ಬರ್ಪಿಲೆಕ 10 ಕೋಟಿ ರೂ.ಕರ್ಚಿ ಡ್ ನಿರ್ಮಾಣ ಆವೊಂದಿಪ್ಪುನ ತಾಲೂಕು ಆಡಳಿತ ಸೌಧ ಇಡೀ ದೇಶೊಡೇ ಸುರೂತ್ತ ಸರ್ತಿ ಪನ್ಪಿಲೆಕ ಆಜಿ ತಿಂಗೊಲುಡು ಕೆಲಸ ಮಲ್ಪರೆ ಉಂಡು ಪಂಡೆರ್.

ಮುಲ್ಕಿ ಬೆದ್ರ ಕ್ಷೇತ್ರ ಭಾರಿ ಬೇಗೊಡೆ ಅಭಿವೃದ್ಧಿ ಆವೊಂದುಂಡು. ಮುಲ್ಕಿಡ್ ಪರ್ಪಿನ ನೀರ್ ಗ್ ಅಣೆಕಟ್ಟ್, ಅಗತ್ಯವಾದ್ ಬೋಡಾಯಿನ ಫೈರ್ ಸರ್ವಿಸ್ ಸ್ಟೇಶನ್, ತಾಲೂಕು ಕೋರ್ಟು, ಐಬಿ ಇಂಚ ಮಾತ ವಿಧೊಟ್ಟುಲ ಬುಲೆಚ್ಚಿಲ್ ಆವೊಂದುಂಡು ಪಂಡೆರ್.

ತಹಶೀಲ್ದಾರ್ ಅನಂತಶಂಕರ್ , ತಾಲೂಕು ಕಾರ್ಯನಿರ್ವಹಣಾಧಿಕಾರಿ ದಯಾವತಿ, ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಉಪಾಧ್ಯಕ್ಷೆರ್ ಸತೀಶ್ ಅಂಚನ್,ಮುಖ್ಯಾಧಿಕಾರಿ ಚಂದ್ರ ಪೂಜಾರಿ, ಕಿನ್ನಿಗೋಳಿ ಪಟ್ಟಣ ಪಂಚಾಯತ್ ಮುಖ್ಯಾಧಿಕಾರಿ ಸಾಯೀಶ್ ಚೌಟ, ಪೊಲೀಸ್ ಇನ್ ಸ್ಪೆಕ್ಟರ್ ಕುಸುಮಾಧರ, ಎಎಸ್ಐ ಚಂದ್ರಶೇಖರ್, ಮುಲ್ಕಿ ಸರಕಾರಿ ಕಾಲೇಜು ಪ್ರಿನ್ಸಿಪಾಲ್ ಡಾ.ವಾಸುದೇವ ಬೆಳ್ಳೆ, ಬೊಕ್ಕ ಹಿಂದೂ, ಮುಸ್ಲಿಂ ,ಕ್ರೈಸ್ತ ಧರ್ಮ ಗುರುಕ್ಕುಲು ಮಲ್ಲ ಬಿನ್ನೆರಾದ್ ಬತ್ತಿತ್ತೆರ್.

ನೆರ್ದ್ ದುಂಬು ಮುಲ್ಕಿ ಠಾಣೆದ ಪಿಎಸ್ಐ ಮಾರುತಿ ಮೆರೆನ ಮುತಾಲಿಕೆಡ್ ಪಥ ಸಂಚಲನ ನಡತ್ಂಡ್. ಪೊಲೀಸ್ ಸಿಬ್ಬಂದಿಲು, ಗೃಹ ರಕ್ಷಕ ದಳ ಸಿಬ್ಬಂದಿ ಅಂಚೆನೆ ಬೇತೆ ಬೇತೆ ಶಾಲೆದ ಎನ್ ಸಿಸಿ, ಸ್ಕೌಟ್ಸ್ ಗೈಡ್ಸ್ ಜೋಕುಲೆರ್ದ್ ಅಂಚೆನೆ ಗ್ರಾಮ ಪಂಚಾಯ್ತಿದಕ್ಲೆನ ಸ್ತಬ್ಧಚಿತ್ರ ಟ್ಯಾಬ್ಲೊ ಮೆರವಣಿಗೆದ ಒಟ್ಟುಗು ಕಾರ್ನಾಡ್ ಸದಾಧಿವ ರಾವ್ ಸರ್ಕಲ್ ಮುಟ್ಟ ಬೊಕ್ಕ ಅಲ್ತ್ ರ್ದ್ ಪಿರ ಗಾಂಧಿ ಮೈದಾನಡ್ ಪಥ ಸಂಚಲನ ನಡತ್ಂಡ್.

ಸಭಾ ಕಾರ್ಯಕ್ರಮತ್ತ ವೇದಿಕೆಡ್ ಸಾಧಕೆರೆಗ್ ಮಾನಾದಿಗೆ, ಸ್ಪರ್ಧಾ ವಿಜೇತೆರೆಗ್ ಇನಾಮು ಪಟ್ಟುನ ಕಜ್ಜ ನಡತ್ಂಡ್. ಅಯಿರ್ದ್ ಬೊಕ್ಕ ಬೇತೆ ಬೇತೆ ಶಾಲೆದ ಜೋಕುಲೆರ್ದ್ ನೃತ್ಯ ಕಾರ್ಯಕ್ರಮ ನಡತ್ಂಡ್.
ಬಿಇಒ ಸದಾನಂದ ಪೂಂಜ ಬಿನ್ನೆರೆನ್ ಎದ್ಕೊಂಡೆರ್. ವಕೀಲೆರ್ ಭಾಸ್ಕರ ಹೆಗ್ಡೆ ಲೇಸ್ ಸುಧಾರಿಕೆ ಮಲ್ತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

Dr M C Dawar who used to be charge only twenty rupees to patients awarded with a Padmashree ಕಾಲಿ 20 ರೂ. ದೆತೊಂದು ಮರ್ದ್ ಕೊರೊಂದಿತ್ತಿನ ಡಾ.ಎಂ.ಸಿ.ದಾವರ್ ಗ್ ಪದ್ಮಶ್ರೀ ಪ್ರಶಸ್ತಿ

ಮಧ್ಯಪ್ರದೇಶ: ಕಾಲಿ 20 ರೂಪಾಯಿ ಫೀಸ್ ದೆತೊಂದು ಮರ್ದ್ ಕೊರೊಂದಿತ್ತಿನ ಮಧ್ಯಪ್ರದೇಶದ ಜಬಲ್ಪುರ್ ಜಿಲ್ಲೆದ ವೈದ್ಯೆರ್ ಡಾ.ಎಂ.ಸಿ.ದಾವರ್ (77 ವರ್ಷ) ಮೆರೆಗ್ ಕೇಂದ್ರ ಸರ್ಕಾರ 2023 ನೇ ಸಾಲ್‌ದ ಪದ್ಮಶ್ರೀ ಪ್ರಶಸ್ತಿನ್ ಕೊರ್ದು ಮಾನಾದಿಗೆ ಮಲ್ಪರೆ ಉಂಡು.

ಡಾ.ದಾವರ್ ಮೇರ್ 1971 ಟ್ಟ್ ಭಾರತ ಬೊಕ್ಕ ಪಾಕ್ ನಡುಟ್ಟ್ ನಡತಿನ ಯುದ್ಧದ ಪೊರ್ತುಡು ಭಾರತೀಯ ಸೇನೆಡ್ ಸುಮಾರ್ ಒಂಜಿ ವರ್ಷದ ಕಾಲ ಸೇವೆ ಮಲ್ತ್‌ದಿತ್ತೆರ್. ಮೇರ್ ಸುರುಕ್ಕ್ ರಡ್ಡ್ ರೂಪಾಯಿ ದೆತೊಂದು ಚಿಕಿತ್ಸೆ ಕೊರೊಂದಿತ್ತೆರ್.

Dr M C Dawar who used to be charge only twenty rupees to patients awarded with a Padmashree

Madya Pradesh: Dr M C Dawar (77) who used to charge only twenty rupees to patients for treatment has been awarded with a Padmashree for the year 2023.

He had also treated soldiers during the 1971 Indo Pakwar

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

Premier Show tickets of the movie “Pili” and song release function at UAE ಎನ್ಎನ್ಎಮ್ ಪ್ರೊಡಕ್ಷನ್ಸ್ ದ “ಪಿಲಿ” ಪಿಕ್ಚರ್ ದ ಯುಎಇದ ಪ್ರೀಮಿಯರ್ ಶೋ ಟಿಕೆಟ್ ಬೊಕ್ಕ ಪದ್ಯ ಬುಡುಗಡೆ ಲೇಸ್

ದುಬೈ: ಎನ್ಎನ್ಎಮ್ ಪ್ರೊಡಕ್ಷನ್ಸ್ ಡ್ ದುಬೈದ ಆತ್ಮಾನಂದ ರೈ ಬೊಕ್ಕ ಭರತ್ ರಾಮ್ ರೈ ನಿರ್ಮಾಣ ಮಲ್ತಿನ “ಪಿಲಿ” ಪಿಕ್ಚರ್ ದ ಯುಎಇದ ಪ್ರೀಮಿಯರ್ ಪ್ರದರ್ಶನದ ಟಿಕೆಟ್ ಬೊಕ್ಕ ಪಿಕ್ಚರ್ ದ ಪದ್ಯ ಬುಡುಗಡೆ ಲೇಸ್ ಜ.22 ಕ್ ದುಬೈಡ್ ನಡತ್ಂಡ್.

ಈ ಪಿಕ್ಚರ್ ಡ್ ಭರತ್ ಭಂಡಾರಿ ಬೊಕ್ಕ ಸ್ವಾತಿ ಶೆಟ್ಟಿ ನಾಯಕೆ ನಾಯಕಿ ಆದ್ ಅಭಿನಯ ಮಲ್ದೆರ್. ಪೇಂಟೆದ ಫಾರ್ಚೂನ್ ಅಟ್ರ್ಯೂನ್ ಡ್ ಬುಡುಗಡೆ ಲೇಸ್ ನ್ ಅಬುಧಾಬಿ ಕರ್ನಾಟಕ ಸಂಘದ ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ಟಿ, ಫಾರ್ಚೂನ್ ಗ್ರೂಪ್ ಸಂಸ್ಥೆದ ರೂವಾರಿ ಪ್ರವೀಣ್ ಕುಮಾರ್ ಶೆಟ್ಟಿ, ಉದ್ಯಮಿ ಚಿತ್ರ ನಿರ್ಮಾಪಕೆರ್ ಹರೀಶ್ ಶೇರಿಗಾರ್, ಹರೀಶ್ ಬಂಗೇರ, ಬಿಲ್ಲವಾಸ್ ದುಬೈದ ಸತೀಶ್ ಪೂಜಾರಿ, ಯಕ್ಷಗಾನ ಅಭ್ಯಾಸ ಕೇಂದ್ರದ ದಿನೇಶ್ ಶೆಟ್ಟಿ ಕೊಟಿಂಜ ಮೊಕುಲು ತುಡರ್ ಅರ್ಲಾದ್ ಉದಿಪನ ಮಲ್ತೆರ್.


ಯುಎಇದ ದುಬೈ ಬೊಕ್ಕ ಅಬುಧಾಬಿಡ್ ಫೆ.4,5 ಬೊಕ್ಕ 11 ಕ್ ಬುಡುಗಡೆ ಆಪುನ ಪಿಕ್ಚರ್ ದ ಪ್ರೀಮಿಯರ್ ಪ್ರದರ್ಶನದ ಟಿಕೆಟ್ ನ್ ಬುಡುಗಡೆ ಮಲ್ತಿನ ಗಣ್ಯೆರ್ ಪಿಲಿ ಪಿಕ್ಚರ್ ಗ್ ಎನ್ನ ಬೊಕ್ಕ ನಮ್ಮ ಸಮಾಜದ ಬೊಕ್ಕ ನಮ್ಮ ಸಂಸ್ಥೆದ ವತಿರ್ದ್ ಸಂಪೂರ್ಣ ಸಹಕಾರ ಉಂಡು. ಈ ಪಿಕ್ಚರ್ ನೂದು ದಿನ ಯಶಸ್ವಿಯಾದ್ ಸಾಗಡ್ ಪಂದ್ ಪಿಕ್ಚರ್ ಗ್ ಎಡ್ಡೆಪ್ಪು ಬಯಕಿಯೆರ್.

ಪಿಕ್ಚರ್ ದ ಸುರುತ ಟಿಕೆಟ್ ನ್ ಸರ್ವೋತ್ತಮ ಶೆಟ್ಟಿ ಮೇರ್ ಟಿಕೆಟ್ ದೆತ್ತೊನ್ನ ಮುಖೇನ ಉದಿಪನ ಮಲ್ತೆರ್.‌ ಪ್ರವೀಣ್ ಕುಮಾರ್ ಶೆಟ್ಟಿ ಮೇರ್ ಪಿಕ್ಚರ್ ದ ಒಂಜಿ ಪದ್ಯನ್ ಬುಡುಗಡೆ ಮಲ್ತೆರ್. ಈ ಪೊರ್ತುಡು ನಟೆ, ನಿರ್ದೇಶಕೆರ್ ವಿಜಯಕುಮಾರ್ ಕೋಡಿಯಾಲ್ ಬೈಲ್, ನಾಯಕೆ ನಾಯಕಿಯೆರ್ ಭರತ್ ಭಂಡಾರಿ, ಸ್ವಾತಿ ಶೆಟ್ಟಿ, ನಿರ್ಮಾಪಕೆರ್ ಆತ್ಮಾನಂದ ರೈ ದುಬೈ ಇತ್ತೆರ್. ಬುಡುಗಡೆ ಲೇಸ್ ಡ್ ಗಿರೀಶ್ ನಾರಾಯಣ್ ಮುತಾಲಿಕೆಡ್ ಪಿಲಿ ಏಷದ ನಲಿಕೆ ನಡತ್ಂಡ್.


ರಾಜೇಶ್ ಕುತ್ತಾರ್ ಲೇಸ್ ದ ನಿರ್ವಹಣೆ ಮಲ್ತೆರ್. ನಿರ್ಮಾಪಕೆರ್ ಆತ್ಮಾನಂದ ರೈ ಸೊಲ್ಮೆ ಸಂದಾಯೆರ್. ಮಣಿಕಾಂತ್ ಕದ್ರಿ ಮೆರೆನ ಸಂಗೀತ ಸಾರಥ್ಯಡ್ ಎಡ್ಡೆ ನಾಲ್ ಪದ್ಯ ಉಂಡು. ಪಟ್ಲ ಸತೀಶ್ ಶೆಟ್ಟಿ, ನಿಹಾಲ್ ತಾವ್ರ್ರೊ ಅನುರಾಧ ಭಟ್, ಕಲಾವತಿ, ಉಜ್ವಲ ಆಚಾರ್ ಪದ್ಯ ಪಂತೆರ್. ಪಟ್ಲ ಸತೀಶ್ ಶೆಟ್ಟಿ ಮೆರೆನ ಕಂಠ ಸಿರಿಟ್ ಶೀರ್ಷಿಕೆ ಗೀತೆ ಬುಡುಗಡೆ ಆಂಡ್. ಈ ಪಿಕ್ಚರ್ ದ ತಾರಾಗಣಡ್ ವಿಜಯ್‌ಕುಮಾರ್ ಕೊಡಿಯಾಲ್‌ಬೈಲ್‌ ಮುಖ್ಯ ಪಾತ್ರಡ್ ಉಲ್ಲೆರ್.

ತ್ರಿಷಾ ಶೆಟ್ಟಿ, ಕೃತಿ ಶೆಟ್ಟಿ, ನವೀನ್ ಡಿ. ಪಡೀಲ್, ಅರವಿಂದ ಬೋಳಾರ್, ಭೋಜರಾಜ ವಾಮಂಜೂರು, ವಿಸ್ಮಯ ವಿನಾಯಕ್, ಸ್ವರಾಜ್ ಶೆಟ್ಟಿ, ಸಂತೋಷ್ ಶೆಟ್ಟಿ, ರೂಪ ಡಿ ಶೆಟ್ಟಿ, ನಮಿತಾ ಕೂಳೂರು, ಉಮೇಶ್ ಮಿಜಾರ್, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್‌ಶೆಟ್ಟಿ ಮಾಣಿಬೆಟ್ಟು, ದೀಪಕ್ ರೈ ಪಾಣಾಜೆ, ಚೇತನ್ ರೈ ಮಾಣಿ ಸೇರ್ದ್ ಸುಮಾರ್ ಕಲಾವಿದೆರ್ ಬೇತೆ ಬೇತೆ ಪಾತ್ರಡ್ ಉಲ್ಲೆರ್.ಗಣೇಶ್ ನೀರ್ಚಾಲ್ ಮೆರೆನ ಸಂಕಲನ ಈ ಪಿಕ್ಚರ್ ಗ್ ಉಂಡು. ಸುಂದರವಾಯಿನ ನಾಲ್ ಪದ್ಯಗ್ ಮಯೂರ್ ಆರ್.ಶೆಟ್ಟಿ, ಡಿ.ಬಿ.ಸಿ ಶೇಖರ್ ಬೊಕ್ಕ ಕೆ.ಕೆ. ಪೇಜಾವರ್ ಸಾಹಿತ್ಯ ಬರೆತೆರ್. ಈ ಪಿಕ್ಚರ್ ಗ್ ಸಂದೇಶ್ ಬಿಜೈ ಸಂಭಾಷಣೆ ಬರೆತೆರ್. ನಿರ್ದೇಶನ ತಂಡಡ್ ಪಿಕ್ಚರ್ ನಿರ್ದೇಶಕೆರ್ ತ್ರಿಶೂಲ್ ಶೆಟ್ಟಿ, ಸಂದೇಶ್ ಬಿಜೈ ಬೆಂದ್ ದೆರ್. ಪ್ರಚಾರ ಕಲೆ ವಿನ್ಯಾಸನ್ ದೇವಿ ರೈ ಮೇರ್ ಮಲ್ದೆರ್.

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)

You Missed

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ನ.20 : ಕುಡ್ಲಡ್ 73ನೇ ರಾಜ್ಯಮಟ್ಟದ ಸಹಕಾರ ಸಪ್ತಾಹ

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಕಂಬುಲದ ಸೀಸನ್ ಸುರು; ಈ ವರ್ಷದ ಪಟ್ಟಿ ರಿಲೀಸ್

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಕುಡ್ಲ : ಲಾರಿದ ಪಿರವುಗು ಕಾರ್ ಗುದ್ದುದು 2 ಜನಕ್ಕ್ ಮಲ್ಲ ಪೆಟ್ಟ್

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಬೊಲ್ತೇರ್: ನೇತ್ರಾವತಿ ತುದೆಬರಿಟ್ಟ್ ಮನುಷ್ಯನ ಮಂಡೆ ಪತ್ತೆ!

Copyright © All rights reserved - The Times of Kudla Mangalore | Paper News by Themeansar.