ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

Theatre artist Keshav N Shetty Chitrapura honoured ರಂಗ ಕಲಾವಿದೆರ್ ಕೇಶವ ಎನ್. ಶೆಟ್ಟಿ ಚಿತ್ರಾಪು ಮೆರೆಗ್ ಮಾನಾದಿಗೆ

ಮುಲ್ಕಿ : ಯಕ್ಷಗಾನ, ನಾಟಕ, ಸಾಹಿತ್ಯ ಇಂಚ ಮಾತಾ ಕ್ಷೇತ್ರೊಡು ಪುಗರ್ತೆ ಪಡೆಯಿನ ಬಹುಮುಖ ಪ್ರತಿಭೆ ಕೇಶವ ಎನ್.ಶೆಟ್ಟಿ ಮೆರೆಗ್ ಹೊಸ ಅಂಗಣ ಪತ್ರಿಕೆದ ತಿಂಗಳ ಬೆಳಕು ಕಾರ್ಯಕ್ರಮತ್ತ ವೇದಿಕೆಡ್ ಮಾನಾದಿಗೆ ನಡತ್ಂಡ್.

ಮುಲ್ಕಿ ಸ್ವಾಗತ ಹೋಟೆಲ್ ದ ಚಾವಡಿಡ್ ಬುಧಾರ ನಡತಿನ ಈ ಲೇಸ್ ದ ಗುರ್ಕಾರ್ಮೆ ನ್ ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು ಒಯಿಸ್ ದಿತ್ತೆರ್.

ಮಲ್ಲ ಬಿನ್ನೆರಾದ್ ಬತ್ತಿತ್ತಿನ ಮೊಗವೀರ ಪತ್ರಿಕೆದ ಸಂಪಾದಕೆರ್ ಅಶೋಕ್ ಸುವರ್ಣ ಬೊಂಬೈ ಪಾತೆರ್ದ್ ಎಡ್ಡೆಪ್ಪುನು ಮದಿತೆರ್. ಉದ್ಯಮಿ ಜಾನ್ ಕ್ವಾಡ್ರಸ್ ಬಿನ್ನೆರಾದ್ ಮತ್ತರ್ಮೆಡ್ ಇತ್ತೆರ್.

ಬಪ್ಪನಾಡು ಯುವಕ ಸೇವಾ ಸಂಘದ ಅಧ್ಯಕ್ಷೆರ್ ಪುರಂದರ ಸಾಲ್ಯಾನ್, ಮುಲ್ಕಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ಪ್ರಕಾಶ್ ಸುವರ್ಣ, ಮಾಜಿ ಅಧ್ಯಕ್ಷೆರ್ ರಮೇಶ್ ಅಮೀನ್ ಕೊಕ್ಕರ್ ಕಲ್, ಬಿಲ್ಲವ ಮಹಿಳಾ ಮಂಡಲದ ಅಧ್ಯಕ್ಷೆರ್ ಶಶಿಕಲಾ ಯದೀಶ್ ಅಮೀನ್, ಬಿಲ್ಲವ ಮಹಾಮಂಡಲದ ಉಪಾಧ್ಯಕ್ಷೆರ್ ವಿಜಯಕುಮಾರ್ ಕುಬೆವೂರು, ಸೋಮಸುಂದರ್, ಎ.ಜಯಪಾಲ್ ಶೆಟ್ಟಿ ಐಕಳ ಮೊಕುಲು ಇತ್ತೆರ್.
ವಾಸುದೇವ ಚಿತ್ರಾಪು ದೇವೆರೆನ್ ಸುಗಿತೆರ್.

ಹೊಸ ಅಂಗಣ ಸಂಪಾದಕೆರ್ ಡಾ.ಹರಿಶ್ಚಂದ್ರ ಸಾಲ್ಯಾನ್ ಬಿನ್ನೆರೆನ್ ಎದ್ಕೊಂಡೆರ್. ವೈ.ಎನ್.ಸಾಲ್ಯಾನ್ ಮಾನಾದಿಗೆ ಪಲವೆನ್ ಓದುದು ಪಂಡೆರ್. ರವಿಚಂದ್ರ ನಿರೂಪಣೆ ಮಲ್ತೆರ್.

Theatre artist Keshav N Shetty Chitrapura honoured

Mulki: Yakshagana and theatre artist, litterateur multi talented Keshav N Shetty was honoured by Hosa Angana Patrike in its Tingala Belaku program. The program was presided by Dharmadarshi Harikrishna Punaroor.

Unity amongst the Hindu community is the answer to all issues – Dr Kalladka Prabhakar Bhat ಹಿಂದೂ ಸಮುದಾಯ ಒಗ್ಗಟ್ಟಾಪಿನನೇ ಮಾತೆಕ್ಕ್‌ಲ ಉತ್ತರ : ಡಾ| ಕಲ್ಲಡ್ಕ ಪ್ರಭಾಕರ್ ಭಟ್

ಮಣಿಪಾಲ : ಹೋಮ, ಹವನನ್ ಮೂಢನಂಬಿಕೆ ಪಂದ್ ಪನ್ಪಿನ ಪ್ರಯತ್ನ ಇತ್ತೆಲ ನಡತೊಂದು ಉಂಡು. ಹಿಂದೂ ಸಮಾಜನ್ ಒಟ್ಟು ಮಲ್ಪುನ ಮುಕೇನ ಉಂದೆಕ್ಕ್ ಉತ್ತರ ಕೊರೊಡು. ಜಗತ್ತ್‌ದ ಹಿತದೃಷ್ಟಿರ್ದ್ ಹಿಂದುಲು ಮಾತ ಜಾತಿ, ಮತ, ಭೇದ ಮದತ್ ದ್ ಒಂಜಾವೊಡು ಪಂದ್ ಪುತ್ತೂರು ವಿವೇಕಾನಂದ ವಿದ್ಯಾವರ್ಧಕ ಸಂಘದ ಅಧ್ಯಕ್ಷೆರ್ ಅಂಚನೆ ಆರೆಸ್ಸೆಸ್‌ದ ಹಿರಿಯೆರ್ ಆಯಿನ ಡಾ| ಕಲ್ಲಡ್ಕ ಪ್ರಭಾಕರ್ ಭಟ್ ಪಂಡೆರ್.

ಶಿವಪಾಡಿ ಶ್ರೀ ಉಮಾಮಹೇಶ್ವರ ದೇವಲ್ಯಡ್ ಅತಿರುದ್ರ ಮಹಾಯಾಗ ಸಂಕಲ್ಪ ದಿವಸ್ ಬೊಕ್ಕ ಮೃತ್ತಿಕಾ ಪೂಜೆದ ಲೆಕ್ಕೊಡು ಜ.29 ಐತಾರ ನಡತಿನ ಧರ್ಮ ಸಭೆನ್ ಉದಿಪನ ಮಲ್ತ್‌ದ್ ಪಾತೆರಿಯೆರ್. ಹಿಂದೂ ಧರ್ಮ ಜಗತ್ತ್‌ದ ಹಿತ ದೃಷ್ಟಿನ್ ಬಯಸ್ಂಡ್. ಹಿಂದೂ ಧರ್ಮ ಏಪಲ ಜಾತ್ಯತೀತತೆದ ವಿರುದ್ಧ ಇಪ್ಪರೆ ಸಾಧ್ಯ ಇಜ್ಜಿ. ಅಪ್ಪೆನ್ ಆರಾಧನೆ ಮಲ್ಪುನ ಏಕೈಕ ದೇಶ ಭಾರತ. ಇಂಚಾದ್ ನಮ್ಮ ಆಚರಣೆನ್ ಮೂಢನಂಬಿಕೆ ಪಂದ್ ಬಿಂಬಿಸಾವುನ ಪ್ರಯತ್ನ ನಡತೊಂದು ಉಂಡು ಪಂದ್ ಪಂಡೆರ್. ಹಿಂದೂ ಸಮಾಜನ್ ಸಂಘಟನೆ ಮಲ್ಪುನ ಭಾಗವಾದ್ ನಡಪರೆ ಇಪ್ಪುನ ಅತಿರುದ್ರ ಮಹಾಯಾಗಗ್ ಎಡ್ಡೆಪ್ಪುಲು ಪಂದ್ ಪಂಡೆರ್.

ಶೃಂಗೇರಿ ಮಠದ ಪ್ರಾಂತೀಯ ಧರ್ಮಾಧಿಕಾರಿ ವಾಗೀಶ್ ಶಾಸ್ತ್ರೀ ಮೆರೆನ ಅತಿರುದ್ರ ಮಹಾಯಾಗದ ನಿಲೆಟ್ಟ್, ಮಹಿಮೆ, ಪ್ರಯೋಜನ ಬೊಕ್ಕ ನಡಪುನ ವಿಧಾನ ಇಂಚಿತ್ತಿನ ಪೊಲಬು ಕೊರಿಯೆರ್. ಮಾಹೆ ವಿ.ವಿ. ಸಹಕುಲಾಧಿಪತಿ ಡಾ|ಎಚ್.ಎಸ್.ಬಲ್ಲಾಳ್, ಕುಲಪತಿ ಲೆ| ಜ| ಡಾ| ಎಂ.ಡಿ.ವೆಂಕಟೇಶ್ ಎಡ್ಡೆಪ್ಪುನು ಬಯಕ್ಯೆರ್.

ಅತಿರುದ್ರ ಮಹಾಯಾಗ ಸಮಿತಿದ ಅಧ್ಯಕ್ಷೆರ್ ಆಯಿನ ಶಾಸಕೆರ್ ಕೆ.ರಘುಪತಿ ಭಟ್ ಅಧ್ಯಕ್ಷೆತೆ ವಹಿಸೊಂದು ಇತ್ತೆರ್. ಆರೆಸ್ಸೆಸ್ ಜಿಲ್ಲಾ ಸಂಘಚಾಲಕೆರ್ ಡಾ| ನಾರಾಯಣ ಶೆಣೈ, ವಿಧಾನ ಪರಿಷತ್ ಮಾಜಿ ಸದಸ್ಯೆರ್ ದಯಾನಂದ ರೆಡ್ಡಿ, ನಗರಸಭೆ ಅಧ್ಯಕ್ಷೆರ್ ಸುಮಿತ್ರಾ ಆರ್. ನಾಯಕ್, ಪ್ರಸಾದ್ ನೇತ್ರಾಲಯದ ಡಾ.ಕೃಷ್ಣ ಪ್ರಸಾದ್ ಕೂಡ್ಲು, ಉದ್ಯಮಿಲು ಆಯಿನ ಮುನಿಯಾಲು ಉದಯ ಕುಮಾರ್ ಶೆಟ್ಟಿ, ಪರ್ವತ್ ಶೆಟ್ಟಿ, ಬಾಲಕೃಷ್ಣ ಭಂಡಾರಿ, ಕಾರ್ತಿಕ್ ಆರ್. ನಾಯಕ್, ನಿರ್ಮಿತಿ ಕೇಂದ್ರದ ಅರುಣ್ ಕುಮಾರ್, ನಗರಸಭೆ ಸದಸ್ಯೆರ್ ಆಯಿನ ವಿಜಯಲಕ್ಷ್ಮೀ, ಕಲ್ಪನಾ ಸುಧಾಮ, ಮಣಿಪಾಲ ಬಬ್ಬುಸ್ವಾಮಿ ದೈವಸ್ಥಾನದ ಅಧ್ಯಕ್ಷೆರ್ ಶ್ರೀನಿವಾಸ ಪೂಜಾರಿ, ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ದಿನೇಶ್ ಪ್ರಭು, ಶೃಂಗೇರಿ ಮಠದ ಪ್ರತಿನಿಧಿ, ಶಾಂಕರ ತತ್ವ ಜಿಲ್ಲಾ ಸಂಚಾಲಕೆರ್ ವಿಶ್ವನಾಥ ಶ್ಯಾನುಭೋಗ್ ಲೇಸ್‌ಡ್ ಇತ್ತೆರ್.

ದೇವಲ್ಯದ ಅಭಿವೃದ್ಧಿ ಟ್ರಸ್ಟ್ ಅಧ್ಯಕ್ಷೆರ್ ಮಹೇಶ್ ಠಾಕೂರ್ ಎದ್ಕೊನಿಯೆರ್. ದೇವಲ್ಯದ ಶಾಶ್ವತ ಟ್ರಸ್ಟಿ ದಿನೇಶ್ ಸಾಮಂತ್ ಬತ್ತಿನ ಬಿನ್ನೆರೆಗ್ ಸೊಲ್ಮೆ ಸಂದೈತ ಮಲ್ತೆರ್. ಪ್ರಾಧ್ಯಾಪಕೆರ್ ಡಾ| ಬಾಲಕೃಷ್ಣ ಮುದ್ದೊಡ್ಡಿ ಲೇಸ್ ಸುಧಾರಿಕೆ ಮಲ್ತೆರ್.

ಸಮರ್ಪಣಾ ದಿವಸ್
ಅತಿರುದ್ರ ಮಹಾಯಾಗದ ಪೂರ್ಣಾಹುತಿಗ್ ಗಲಸುನ ಬಾರ್,ನೆಯಿ ಬೊಕ್ಕ ಎಳ್ಳು ಇತ್ಯಾದಿಲೆನ್ ಫೆ.12 ಕ್ಕ್ ಕಾಂಡೆ 9 ಗಂಟೆರ್ದ್ ದೆತೊನ್ಯರೆ ಉಂಡು. ಸಮರ್ಪಣ್ ದಿವಸ್ ಆಚರಣೆದ ಭಾಗವಾದ್ ಉಂದು ಅತಿರುದ್ರ ಯಾಗ ಮುಗಿನ ಮುಟ್ಟ ನಡಪರೆ ಉಂಡು. ಅಂಚನೆ ಭಕ್ತೆರೆಗ್ ಬೆಳ್ಳಿ ಲೇಪಿತ ರುದ್ರಾಕ್ಷಿನ್ ಸಂಕಲ್ಪ ಸಹಿತವಾದ್ ದೇವಲ್ಯಡ್ ಕೊರಿಯರೆ ಮಲ್ಪರೆ ಉಂಡು ಪಂದ್ ದೇವಲ್ಯದ ಅಭಿವೃದ್ಧಿ ಟ್ರಸ್ಟ್‌ದ ಅಧ್ಯಕ್ಷೆರ್ ಮಹೇಶ್ ಠಾಕೂರ್ ತೆರಿಪಾಯೆರ್.

Unity amongst the Hindu community is the answer to all issues – Dr Kalladka Prabhakar Bhat

Manipal: “Age old sacred customs like homa,havan are given the tag of blind beliefs. To put an end to all these there needs the Hindu community as a whole must come togather unitedly” said senior RSS leader Dr K Prabhakar Bhat.

He was addressing the people at a program organised at Sri Umamaheshwari temple ,Shivapadi on January 29th on the occasion of Athirudra Mahayaga Sankalpa.